«Балабақшадан кітапханаға» жобасы аясында «Ертегілер елінде» атты қызықты іс-шара ұйымдастырылды.

Шараның басты мақсаты – балалардың кітап оқуға деген қызығушылығын арттыру, оларды әдеби шығармалармен және ертегі кейіпкерлерімен таныстыру.

Іс-шараға №13 бөбекжай балабақшасының бүлдіршіндері қатысып, ерекше белсенділік танытты. Балалар ертегілерден алынған үзінділерді тыңдап, оның қай шығарма екенін табуға тырысты.

Сонымен қатар, кітаптың атауын, басты кейіпкерін атап, «балалық шақ несімен ерекше?» деген сұраққа өз ойларымен бөлісті. Ойын барысында кейіпкерлердің суреттері көрсетіліп, балалар сол арқылы ертегілерді естеріне түсірді. Бұл тапсырмалар олардың қызығушылығын арттырып қана қоймай, ойлау қабілеті мен есте сақтау дағдыларын дамытуға ықпал етті.

joomlamodniyportal.ru