«BOOKDATING » жобасы «Кітап – табысқа апарар дара жол» кездесу алаңы

Д.А.Қонаев атындағы балалар мен жасөспірімдер кітапханасында «Bookdating» жобасы «Кітап – табысқа апарар дара жол»-тақырыбында алғашқы кездесу алаңы өтті.

Тараз қаласының табысты, танымал адамдарымен танысуы арқылы жас ұрпақтың - көшбасшы болуға ынталандыру, оқырманды кітап арқылы өзін тануға, әлемді басқа қырынан көруге шақыратын жоба.

Кеш барысында филолог, аудармашы, журналист, «Анаға тағзым» облыстық отбасылық даму әлеуметтік орталығының директоры Эльмира Мырза-Ғалимен сұхбат өтті. Оқырмандардың сұрақтарына жауап беріп, ең алғаш оқыған кітабы мен мотивациялық кітаптары туралы ой бөлісті. Арнау өлеңдер оқылып, ән мен күй орындалды.

Іс шара соңында тақырыпқа сай кітап көрмесі жасақталып, оқырмандар кеңінен ақпарат алды.