5 – ақпан Кеңес әскерлерінің

Ауған жерінен босатылғанына 25 жыл.

«Ауғанстан мәңгі жадымызда»

кездесу кеші

Өз Отанына шексіз берілген, патриоттық рухы жоғары, қайсар жауынгер ағалар ерлігін үлгі ету; Ауған соғысында опат болған жауынгерлер рухына тағзым етуге, есімдерін қастерлеуге тәрбиелеу мақсатында  Жамбыл облыстық балалар мен жасөспірімдер кітапханасында Керімбай атындағы №12 мектеп-гимназиясының оқушылары мен ұстаздарының қатысуымен 15 – ақпан Кеңес әскерлерінің Ауған жерінен босатылғанына 25 жыл толуына орай Ауған соғысы ардагерлерімен «Ауғанстан мәңгі жадымызда» тақырыбында кездесу кеші ұйымдастырылды.

10 жыл бойы байтақ елдің тыныштығын бұзып, бұл дүниеден бейхабар періштедей  жаны пәк сәбилердің шырылын шыңырауға шым батырған Ауғаныстандағы сұрапыл соғыста ауыр аманат арқалап, өмір мен өлім белдескен қанды шайқасқа қатысып, батылдық пен ерліктің ерен үлгісін көрсеткен қаһарман жерлестеріміз  Жамбыл облысының «Ауған соғысы ардагерлерінің одағы» қоғамдық бірлестігінің төрағасы Малыбаев Рақымжан Мірсәліұлы, Елшібаев Мәулен Тілеуғабылұлы, Малдыбаев Қайрат Акиманұлы, Исаев Лесхан Тұрдыханұлы ағаларымызбен сұхбаттасып, естеліктері тыңдалды. Оқушылар көкейлерінде жүрген сауалдарын қойып, жауаптар алынды. Ауған соғысы туралы бейнефильм көрсетілді. «Ауғанның - от жалыны» атты  кітап көрмесіне шолу жасалды.