балалар мен жасөспірімдер кітапханасы

Кітап сарқылмас – рухани қазына

саяхат

Кітапханаға оқырман тарту, ұлттық сана – сезімі жоғары рухани ойлау дәрежесі биік, мәдениетті, парасатты, ар-ожданы мол, еңбекқор, адамгершілік, имандылық сияқты ізгі қасиеттерді кітап арқылы қалыптастыру, кітап оқуға деген қызығушылықтарын арттыру мақсатында облыстық балалар мен жасөспірімдер кітапханасында саңырау және нашар еститін балаларға арналған облыстық арнайы түзету  «Мейірім»  мектеп-интернатының 6-сынып оқушыларымен «Кітап сарқылмас – рухани қазына» тақырыбында кітапханаға саяхат ұйымдастырылды. Кітаптан адам ақыл-кеңес, тәлім-тәрбие, үлгі-өнеге алатынын, кітапхананың нағыз оқырманы болу үшін кітаппен жақсы дос болу үшін көп оқу керектігін ескере отырып, кітапханадан көптеген қызықты деректерді, ертегілерді, кітаптармен қатар қатар газет-журналдарды оқи алатындары айтылды. Жас оқырмандар кітапхана ережесімен таныстырылды. Кітап туралы білетін өлең тақпақтарын, мақал-мәтелдер айтылдды. Жаңа оқырман болып тіркеліп, газет-журналдар оқыды.