Қазақстандық оқырмандар арасында Ұлттық құрылтай мүшелерінің бастамасымен жарияланған оқуға ұсынылатын ең үздік 100 кітапты айқындау мақсатында өткізілген «100 кітап» ұлттық сауалнамасы жайлы мағлұмат беру, кітап оқуға қызығушылықты арттыру, жастардың әдеби талғамын дамыту бойынша «Қазақ әдебиеті болашаққа бағдар» ақпараттық сағаты өткізілді.

Шарада қатысушыларға «100 кітап» ұлттық сауалнамасының мәні мен маңызы түсіндірілді. Сауалнамаға қалай қатысуға болатыны, дауыс беру тәсілдері (онлайн/оффлайн) туралы ақпарат берілді. Бұрын ұсынылған әдеби шығармалар мен авторлар тізімі таныстырылды. Қатысушылар арасында танымал кітаптар туралы пікірталас ұйымдастырылды. Оқырмандар өздерінің сүйікті кітаптарын ұсынып, не себепті оны ел оқуы тиіс деп есептейтіндерін бөлісті.

Қатысушылар сауалнама туралы толық мағлұмат алды. Кітап оқуға деген қызығушылықтары оянды. Шара оқырман мәдениетін қалыптастыруға ықпал етті.

joomlamodniyportal.ru