7 сәуір – Дүниежүзілік денсаулық күніне орай жас ұрпаққа адам денсаулығының қымбаттылығын, өмір сүру үшін қажетті бағалы байлық екендігін түсіндіру, денесін шыңдауға, шымыр да шапшаң, ұқыпты да жинақы, әдемі болуға тәрбиелеу мақсатында №49 гимназияның оқырмандарымен «Денсаулық – өмір негізі» маңызды диалог өткізілді.

Іс-шара барысында адамға ең қымбат – өмір, ал өмірдегі ең басты құндылық – денсаулық екені түсіндірілді. Денсаулық - бұл күш, сұлулық, жақсы көңіл-күй . Салауатты өмір салты – бүгінгі заман талабы, дені сау болу сәнді және беделді. Осы тақырыпқа аясында гимназияның мейірбикесі Ақылбекова Динара Майлыбайқызы сауалдарға жауап беріп, түрлі кеңестер берді.

Сондай-ақ балалар жазғы демалысын спортпен қалай өткізетінін, көшеде қандай ойындар ойнайтынын айтып берді. Әңгіме соңында балалар екі топқа бөлініп доппен, арқанмен эстафеталық ойындар ойнады.

Балаларға тақырыпқа сай кітап көрмесіне шолу жасалды.

joomlamodniyportal.ru