балалар мен жасөспірімдер кітапханасы

Оқырмандарға «Наурыз» мерекесі, қазақ халқының ұлттық тағамдарын көрсету, жас ұрпақты салт-дәстүрімізді құрметтей білуге тәрбиелеу мақсатында 22 наурыз – Ұлыстың Ұлы күні наурыз мерекесіне орай «Мейірім» мектеп-интернатының тәрбиеленушілерінің қатысуымен «Наурыз – ұлттық құндылықтардың жаңғыруы» атты ұлттық салт-дәстүрлерді ұлықтау кеші өткізілді.

Кеш барысында халық әндері шырқалып, «Қарақат» мектеп студиясының «Әсем әуен» дәстүрлі әншілер ансамблі «Сәлем Қазақстан» әнін, «Эстрадалық вокал» үйірмесінің шәкірті Құрманғазы Сымбат «Наурызым мерекем» әнін орындап, «TUMAR» арт студиосының домбырашысы Жолдыбек Сымбат «Ақ кербез» күйін өз нақышына келтіріп орындап өз өнерін көрсетіп, Бастау студиясының «Bala dence» тобының мың бұралған бишілері «Қазақ» биін орындады. Ұмыт болып бара жатқан дәстүрлері көпшілік назарына ұсынылды. Ұлттық салт-дәстүрді ұлықтау кешінде ыстық бауырсақ, наурыз көже таратылды.

joomlamodniyportal.ru