Жамбыл политехникалық жоғары колледжінде Д.А.Қонаев атындағы облыстық балалар мен жасөспірімдер кітапханасы және аталған колледждің ұйымдастыруымен халық жүрегінен орын алған поэзия падишасының өлеңдерін жастар арасында насихаттау мақсатында «Өлең, мен сені аялап өтем...» тақырыбында колледждер арасында облыстық байқау өткізілді.

Іс-шара ҚР Мәдениет саласының үздігі, әнші – Сағынбекова Мадинаның «Әйел монологы» әнімен ашылды.

Облыстық байқау 2 кезең бойынша ұйымдастырылды. I кезеңде білімгерлер «Көркемсөз оқу» бойынша ақынның шығармашылығынан өлеңдерін жатқа оқып, сынға түсті.

ІІ кезеңде «Эстрадалық вокал» бойынша ақын сөздеріне жазылған әндерін әртүрлі бағытта орындап, әсем әуенге ұласты.

Іс-шара соңында білімгерлер алғыс хаттармен марапатталып, Фариза Оңғарсынованың кітабын сыйға алды.

joomlamodniyportal.ru