Еврей диаспорасы құрылған барлық елде дәстүрге айналғандай Қазақстанда да жыл сайын Еврей қауымының кітап фестивалі өтуде. Тараз қаласындағы «Хэсэд-Полина» еврей қауымдастығымен бірлесіп Жамбыл облыстық балалар мен жасөспірімдер кітапханасында этномәдени бірлестіктердің жетекшілері, белсенділері мен жастар клубтарының өкілдерімен арасында 20.08.2013ж. сағ.11.00-де еврей кітаптарының фестивалі өтті.

Фестивалді Қазақстан мен Израилдің әнұранымен ашып, қонақтарға сөз берілді. Еврей кітаптарының кітап көрмесіне шолу жасалған соң еврей қауымының мүшесі тарихшы В.Бунин еврей халқының тарихын тереңінен ашып көрсетті. Кітапхана қызметкерлері еврей жазушылары Ю.Семенов, А.Бруштейн, В.Кавериндердің шығармашылығымен таныстырды. Ал музыка мектебі директордың оқу ісінің орынбасары Л. Киршнер әйгілі композитор және педагог Михайл Гнесиннің туғанына 130 жыл толуына орай оқырмандарға атақты композитор туралы қызықты ақпараттармен бөлісті. Фестивалді «Тамир» би тобының биші қыздары одан әрі әрлеп, «Қызықты кітап патшалығы» сюжеттік көріністерін ұсынды. Фестивалді қортындылап, қатысушылар марапатталды.