16-желтоқсан – Қазақстан Республикасының Тәуелсіздік күні туралы мәлімет беру, елінің тәуелсіздігі жолында күрескен ерлердің қаһармандығы мен күрескерлік ерліктерін әрдайым есте ұстауға, ұлтжандылыққа тәрбиелеу мақсатында №23 орта мектеп оқушыларының қатысуымен «Тәуелсіздік – бабам берген аманат» әдеби аукционы өткізілді.

Іс-шара барысында оқырмандар Қазақстан Республикасының Мемлекеттік әнұранын орындап, Желтоқсан көтерілісінде тарихта аты қалған – Қайрат Рысқұлбеков, Ләззат Асанова, Ербол Спатаев, Сабира Мұхамеджановалардың тәуелсіздікке қол жеткізу үшін қатысқан ерліктерін дәріптеді.

Желтоқсан оқиғасы мен Тәуелсіздік туралы сұрақ-жауап алмасып, ой толғап, Қазақстанның дамып өркендеу жолында әр жылдардағы жетістіктерге шолу жасап, кітап көрмесімен танысты.

joomlamodniyportal.ru