16 желтоқсан – Қазақстан Республикасының Тәуелсіздік күніне орай оқырмандарға Тәуелсіздік күні туралы терең мағлұмат беру, оқырмандарға мемлекет тәуелсіздігінің қалыптасуы туралы ақпарат беру, еліміздің болашағына жауапкершілікпен қарау, Отанын сүюге, патриоттық сезімдерге тәрбиелеу мақсатында Д.А.Қонаев атындағы облыстық балалар мен жасөспірімдер кітапханасы мен №2 «Болашақ мектеп-интернаты» бірігіп, «Тәуелсіздік-баға жетпес байлығым» атты интеллектуалды тир өткізілді.

Іс-шараны мемлекеттік әнұранмен ашып, еркіндік пен азаттыққа қол жеткізген Тәуелсіз еліміздің жеткен жетістіктері, Желтоқсан көтерілісі туралы ақпарат берілді.

Тәуелсіздік жолында құрбан болған жандарды бір минут үнсіздікпен еске алып, тағзым етілді. Интеллектуалды тир барысында оқырмандар арнайы тақтаға ілінген шарды жару арқылы сұрақ-жауап алмасып, Тәуелсіздік, Отан туралы жыр-шумақтарын ерекше сезіммен тебірене оқыды.

joomlamodniyportal.ru