балалар мен жасөспірімдер кітапханасы

26.03.2013. 2013 жылдың 26-наурыз күні Жамбыл облыстық балалар мен жасөспірімдер кітапханасында «Балалар мен жасөспірімдер кітап апталығында» «Білім көзі – кітапта» тақырыбында №52 бастауыш мектептің 4 а сынып жетекшісі Аширова Алия Дастанқызы бастаған 4 а сынып оқушылары кітапханаға саяхат жасады. Саяхаттың мақсаты - жас бүлдіршіндердің оқу-танымдық қабілетін оятып, кітап оқуға деген қызығушылығын арттыру.

Бүлдіршіндер секторының меңгерушісі Мусина А.С. кішкене оқырмандарды кітапханамен, кітапхананың пайдалану ережесімен, балаларға арналған «Айгөлек», «Балдырған», «Мөлдір бұлақ», «Бала би», Ақжелкен», «Ұлан» , «Дружные ребята» атты мерзімді басылымдарымен таныстырды. Балалар кітапхана дегеніміз кітаптар тұратын үй екенін біліп қана қоймай, қажетті мәліметтерді алатын орталық екендігін, және де кішкентай оқырмандарға арналған көркем әдебиеттер, анықтамалықтар, сөздіктер, журналдармен танысты. Әр бір оқушыға формуляр ашылды. Балалар кітапхананың оқырмандары атанды.

Нәтижесінде саяхат балаларға өте ұнады.