Бүкіл қазақ қоғамының көшбастаушысы болған, ұлттық-демократиялық сипатта өрбіген Алаш ұлт-азаттық қозғалысының, Алаш партиясының, Алаш Орда үкіметінің және Алаш автономиясының құрылғанына 100 жыл толуына орай, оқырмандарды патриоттыққа, елжандылыққа тәрбиелеу мақсатында Д.А Қонаев атындағы Жамбыл облыстық балалар мен жасөспірімдер кітапханасы №8 Төле би атындағы мектеп-гимназиясы оқырмандарының қатысуымен «Азаттық таңын аңсаған Алаш арыстары» атты портрет кешін өткізді. Іс-шара барысында оқырмандарға Алаш үкіметінің құрылғаны туралы мәлімет беріліп, қазақ зиялыларының өмірбаянымен, саяси қызметі, еңбек жолымен таныстырылды. Соңында Алаш азаматтары туралы слайд видеоролик көрсетілді.

joomlamodniyportal.ru