«Жыл басы – Наурыз!»

мерекелік бағдарлама

22 наурыз – Ұлыстың Ұлы күні мерекесіне орай оқырмандардың ұлттық салт-дәстүрге деген  қызығушылығын арттыру мақсатында кітапхана қызметкерлерінің қатысуымен «Жыл басы – Наурыз!» мерекелік бағдарлама ұйымдастырылды. Мейрам наурыз көкекті қарсы алумен басталып, шырақ жағылды. Халқымыздың қонақжайлығын білдіріп, бірлігін арттыра түсетін ұмыт болуға айналған «Биебау», «Қымызмұрындық» дәстүрі насихатталып, кең дастархан жайылды. Келген қонақтар, бала-шаға бал қымызға тойынып, наурыз көжеден дәм татты. Ауылдың абысын-ажындары жас келіндерге «Жерік асын» беріп, тілектерін білдірді. Сондай-ақ,  кішкентай бүлдіршіннің тұсауы кесіліп, қонақтарға ақ бата берілді. Бағдарлама көңілді әнмен ұласып, қара жорға биімен аяқталды.

joomlamodniyportal.ru