Халқымыздың ырысты ынтымағын, береке-бірлігін, туыстың татулығын іске асыратын да, ұйымдастыратын да әйел-ана.

Қыздарды әдемілік әлемінің сұлулығын көзбен көре, жанмен түсіне білуге, сұлулық сырын тілмен жеткізе, көңілге тоқи білуге, зерделі болуға үйрету, қазақ қызының бойындағы дәстүрімізге сай әдептілік, инабаттылық, көріктілік, ептілік сияқты жан-жақты ұлттық асыл қасиеттерді бойга сіңіріп тәрбиелейтін “Ана — өмірдің шуағы” атты тұрақты кітап көрмесі ұйымдастырылды.

Сонымен қатар ана туралы бейнеролик көрсетіліп, қыз баланың балалық шағынан, бойжеткен, жас келін, аяулы ана және ақжаулықты әже кезеңдерінің бейнелерін кітапханашылар сомдады. Бұл көрме оқырмандарға бір апта бойы ұсынылып, кітапханашылар қыз, әже, апа рөлінде оқырмандарға қызмет көрсетті.

Comments

Бүгін, ғасырдың дара перзенті, қоғам қайраткері Д.А.Қонаевтың туған күніне орай, ұлы тұлғаны жас ұрпаққа насихаттау мақсатында - Абай атындағы Жамбыл гуманитарлық колледжінің білімгерлерімен кітапханада «Ғасыр саңлағы» әдеби панорама өткізілді.

Оқырмандарға «Ғасырдың дара перзенті» кітап көрмесіне шолу жасалып, кемеңгер туралы қызықты ақпараттар берілді.

joomlamodniyportal.ru

Comments

Д.А.Қонаев атындағы балалар мен жасөспірімдер кітапханасында қазақ елінің біртуар азаматы Д.А.Қонаев туралы жан-жақты түсінік қалыптастыру, кемеңгер тұлғаның қоғамға және мемлекетке сіңірген еңбегін, экономика мен саясаттағы реформаларына талдау жасау арқылы білімдерін толықтыру мақсатында «Елу жыл ел ағасы» атты дөңгелек үстелі өткізілді.

Кездесуге қоғам қайраткері, Жамбыл облысының құрметті ардагері Амангелді Кәрентаев, Тараз қалалық ардагерлер кеңесінің төрағасы Жаманбаев Малтабар, ардагерлер кеңесінің мүшелері Жамалбеков Сауранбек, Махашев Алдаберді және К.Әзербаев атындағы облыстық филармониясының күйшісі, айтыскер Басықараев Дидар Болатбекұлы қатысты.

Қонақтар өздерінің Д.Қонаевпен кездескен кездерін әңгімелеп, жастарды білімді болуға, болашақтарын қазірден бастап ойлауға шақырды. Дидар мырза өзінің кемеңгерге арналған «Дара тұлға» және Н.Тілендиевтің Димекеннің жұбайы Зухраға арналған «Баламишка» күйлерін орындады.

Тараз теміржол көлік және коммуникация колледжінің ІІ курс білімгерлері мен Төле би атындағы №8 гимназияның оқушылары кемеңгер тұлғаға арналған өлең жолдарын тебірене оқып, ойларымен бөлісті.

Шара соңында «Ғасырдың дара перзенті» кітап көрмесіне шолу жасалып, ұлы тұлға туралы жазылған кітаптар мен өзінің еңбектері, марапаттары таныстырылды.

joomlamodniyportal.ru

Comments