Жамбыл облыстық балалар мен жасөспірімдер кітапханасы

⚜️«Ұлыстың қадам басқан ұлы күні» этносабақ

Оқырмандарға Наурыз мерекесі, наурыз көже туралы түсінік беру, қазақ халқының салт-дәстүрлері мен ұлттық тағамдарын көрсету, жас ұрпақты салт-дәстүрімізді құрметтей білуге тәрбиелеу мақсатында Ұлыстың Ұлы күні Наурыз мерекесіне орай «Зере» әжелер клубының ұйымдастыруымен «Ұлыстың қадам басқан ұлы күні» этносабақ өткізілді.

Этносабаққа «Зере» әжелер клубының мүшелері, кітапхана қызметкерлері және ұлттық құндылығымызды насихаттап жүрген қымыз өндіруші, «Халал әсіп» отбасылық кәсібімен айналысатын кәсіпкер – Базаркүл Қабылханова қатысты. Базаркүл Дыбысәліқызы сұрақтарға жауап беріп, отбасылық кәсіптері жайлы айтты.

Іс-шара барысында наурыз мерекесі, «Наурыз көже», ұлттық тағамдар, сонымен қатар, қазақтың салт-дәстүрлері туралы көптеген ақпарат берілді. Сондай-ақ, «Бесікке салу», «Қыз ұзату» салт-дәстүрлері көрсетіліп, әжелер ауылдың алты ауызын орындады.

«Наурыз – құт-береке бастауы» кітап көрмесіне библиографиялық шолу жасалды.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=444#sigProGalleriae208de0c1e

Comments

«Құқық және заң әлемінде» балаларға жан-жақты ақпарат

Бала құқықтары туралы конвенцияның 35 жылдығына орай «Кітаппен әлем мейірімді және жарқын» кітапханалық жобасы аясында «Құқық және заң әлемінде» балаларға жан-жақты ақпарат беретін кеңес көрмесі ұйымдастырылды.

Балалардың құқықтарын қорғайтын дүниежүзілік құжаттың тарихына қысқаша шолу жасалынып, конвенцияда көрсетілген құқықтары тарқатылып көрсетілді.

Мемлекеттің басты байлығы – балалар, әрдайым мемлекет қорғауында екені айтылды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=444#sigProGalleriadcedefa4ab

Comments

Ұлт тарихындағы жарқын тұлға - Тұрар Рысқұлов тарихи дүрбі

Халқының мақтан тұтар тұлғаларының өмірі мен ерлігін, қайраткерлігін дәріптеп насихаттауға, тарих парақтарынан тағылым алуға үйрету мақсатында, қоғам қайраткері Тұрар Рысқұловтың туғанына – 130 жыл толуына орай, Ы.Алтынсарин атындағы №49 орта мектептің 7 сынып оқушыларымен «Ұлт тарихындағы жарқын тұлға» тарихи дүрбі өтті.

Оқырмандарға Т.Рысқұлов туралы толық ақпарат беріліп, ақын-жазушылардың жазған шығармалары насихатталды.

М.Әуезовтің «Қараш-қараш» оқиғасындағы Рысқұл бейнесі мен Ш.Мұртазаның «Қызыл жебе» шығармасындағы Тұрар бейнесі салыстырмалы түрде түсіндірілді.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=444#sigProGalleria9f2788a57c

Comments

⚜️ІІ Республикалық «Шәкәрім оқулары» байқауының облыстық кезеңі

Д.А.Қонаев атындағы облыстық балалар мен жасөспірімдер кітапханасында ІІ Республикалық «Шәкәрім оқулары» байқауына үміткерлер облыстық деңгейде бақтарын сынады.

Байқаудың негізгі мақсаты – атадан балаға мирас болған байлығымыз, қазынамыз туған тілге, көркем әдебиетке, оның ішінде поэзияға деген жас ұрпақтың құштарлығын арттырып, шығармашылық қабілеттерін ұштап, жетілдіру.

Байқауға іріктеуден өткен 9 үміткер додаға түсіп, қатысушылар ережеге сай дайындықпен келгендіктерін көрсетіп, аталған шарада белсене қатысып отырды.

Шараны тамашалауға орта және жалпы білім беру орындарынан 30-ға жуық жас оқырмандар, жетекшілер қатысты. Байқау қорытындысы бойынша IIIорынды Меркі ауданының балалар кітапханасының жас оқырманы Жаңғабай Фариза және Байзақ ауданынан Ғайпбай Мөлдір иеленсе, II орын Талас ауданы Мұхтар Гаухарға, I орын Жамбыл ауданының жас оқырманы Жамалбек Мерейге берілді.

Ал, Астана қаласында осы жылдың 27 наурызда өтетін ІІ Республикалық «Шәкәрім оқулары» байқауына қатысуға жолдаманы Тараз қаласының Ж.Жабаев атындағы мектеп-гимназиясының 7сынып оқушысы Әлімахамет Әдия алды.

Жеңімпаздар дипломдар және бағалы сыйлықтармен марапатталды.