Жастарды патриоттық рухқа тәрбиелеу, еліміздің және егемендігіміздің тарихын насихаттау мақсатында Керімбай атындағы №12 мектеп гимназиясының қатысуымен «Жасай бер Қазақстаным!» медиа сағат өткізілді.

Іс-шара Қазақстан Республикасының Мемлекеттік Әнұранын орындауымен басталып, оқырмандарға Республика күнінің шығу тарихы, 2022 жылдың 16 шілдесінде Президент Қ.Ж.Тоқаевтың Республика күніне ұлттық мереке мәртебесін қайтару туралы ұсынысы және 29 қыркүйегінде Республика күнін ұлттық мереке ретінде қайта тойлау туралы заңның күшіне енгендігі жайлы ақпараттар берілді.

Оқырмандар мерекеге орай патриоттық өлеңдер орындап, сұрақтарға белсене ат салысып, толыққанды жауап берді. Іс-шара соңында «Әлем таныған Қазақстан» кітап көрмесіне шолу жасалды.

joomlamodniyportal.ru

Comments

Кітапханашылардың шығармашылық жетістіктерін айқындау, еңбектің жаңа формалары мен әдістерін енгізуге ықпал ету, кітапхана мен оның қызметкерлерінің имиджін нығайту мақсатында 24 қазан – Кітапханашылар күні мерекесі аясында «Кітапхана көшбасшысы - 2024» аудандық балалар мен жасөспірімдер кітапханасының кітапханашыларына арналған облыстық байқау өткізілді.

Бес кезеңнен тұратын байқауға қатысуға білім деңгейіне, жұмыс өтіліне, лауазымына қарамастан ықылас білдірген сегіз аудандық кітапханашылар қатысты. Байқау талаптарына сәйкес кітапханашылар өзін таныстырып, «Мамандығым – мақтанышым» кезеңінде үздік жобаларын ұсынды. «Үздік библиографиялық шолу» кезеңінде, оқырмандарға ұсынатын кітаптарға шолу жүргізу ерекшеліктерінде тақырып таңдау, ойын ұтымды жеткізу, оқырмандармен жұмыс жасау қабілеттерін көрсете білді.

Байқау соңы әр қызметкердің бос уақытында немен әуестенетінін көрсететін шығармашылық тақырыпқа ұласып, жіңімпаздар анықталды. Үздік таныстыруымен, құрылған жобаларының ерекшелігімен көзге түскен Жамбыл ауданы кітапханашысы Хожамқұлова Замира Дүйсенгалиқызы 1-ші орын иегері атанса, Меркі ауданының кітапханашысы Ергеш Айнұр Қалдыбайқызы 2-ші орын, Байзақ ауданы Саршаева Ақмарал 3-ші орын жүлдегерлері атанып құнды сыйлықтарға ие болды. Жуалы ауданы «Үздік таныстырылым», Сарысу ауданы «Жаңашыл кітапханашы», Шу ауданы «Үздік библиографиялық шолу»,Қордай ауданы «Ізденімпаз кітапханашы», Талас ауданы «Үздік өнер» номинациялары бойынша сыйлықтармен Алғыс хаттар алды.

joomlamodniyportal.ru

Comments

Оқырмандардың «Отан», «туған ел» туралы түсініктерін кеңейту, өз елін, туған жерін сүюге баулу, патриоттық сезімге тәрбиелеу мақсатында «Туған өлке, мен сен туралы жырлаймын!» әдеби-музыкалық кеш өткізілді.

Кешке Абай атындағы Жамбыл гуманитарлық жоғары колледжінің білімгерлері, Ы.Алтынсарин атындағы №49 мектеп-гимназияның, №47, №23 орта мектептің оқушылары қатысты.

Кеш барысында оқырмандарға Жамбыл облысының 85 жылдық тарихынан сыр шертетін көптеген ақпарат беріліп, арнайы бейнеролик көрсетілді.

Жамбыл облысы, облыс орталығы – Тараз қаласы туралы өлеңдер оқылып, туған жер тақырыбындағы әндер шырқалды.

«Тарихы терең, тағылымы мол өлке» электронды көрсеткіш таныстырылып, «Жамбылым – құт-мекенім!» кітап көрмесіне библиографиялық шолу жасалды.

joomlamodniyportal.ru

Comments