Жамбыл облыстық балалар мен жасөспірімдер кітапханасы

«Оқуға құштар жүректер» облыстық байқауы

«Әулиеата – кітап оқитын өңір» жобасы аясында «Оқуға құштар жүректер» облыстық байқауы ұйымдастырылды. Байқау қазақ балалар әдебиетінің көрнекті өкілдері: Сапарғали Бегалин - 130 жыл, Өтебай Тұрманжанов – 120 жыл, Сансызбай Сарғасқаев – 100 жыл, Асқаржан Сәрсек – 75 жылдығына арналды. Байқау бірнеше кезеңнен тұрды, әр кезеңде қатысушылар өз білімдері мен шығармашылық қабілеттерін көрсетті. Байқаудың аудандық кезеңі ақпан айында өтіп, 8 ауданның үміткерлері облыстық кезеңге жолдама алған. Байқауға 10 үміткер қатысты.

Байқау «Ерке» өнер дамыту орталығы «Джаз» биімен ашылды. «Smart» өнер мектебінің оқушысы «Молдабайдың әні Молдабай» әнің орындады және Бауыржан Ақтаевтің «Алаш аманаты» атты «Талас домбырашылар» ансамблі күй ойнады және KZ ELEMENT өнер орталығының «Ақ құс» триосы «Отан», «Ләйлім» әнің орындады.

Бас жүлде: Шу ауданы, Нұржанқызы Әсел, І-орынды Байзақ ауданынан Алыбаева Арина, ІІ-орынды Тұрар Рысқұлов ауданынан Балтабай Ясмина, ІІІ-орынды Мойынқұм ауданынан Достай Жұлдыз, Жамбыл ауданынан Жаңабек Бақкелді алды. Жуалы ауданынан Адайбай Айзере, Қордай ауданынан Сәрсенбай Ақнұр, Меркі ауданынан Ақатай Ерсұлтан, Тараз қаласы Керімбай атындағы №12 мектеп гимназиясының 5 сынып оқушысы Джексенби Рамазан, Ж. Жабаев атындағы №5 гимназияның 7 сынып оқушысы Асқар Абылай ынталандыру сыйлығын алды.

Байқаудың қазылар алқасының мүшелері: М.Х.Дулати атындағы Тараз университетінің профессоры, филология ғылымдарының кандидаты, Әлем Халықтар Жазушылар Одағының мүшесі, Ыбырай Алтынсарин төсбелгісінің иегері - Исматова Сейсекүл Молдабекқызы, Жамбыл облысы әкімдігінің мәдениет және тілдерді дамыту басқармасы басшысының бас маманы – Құттыбаева Жадыра Нұржанқызы, Облыстық «Анаға тағзым» отбасын қолдау орталығының бөлім басшысы, журналист - Нұрманалиева Қымбат Қаржауқызы төрелік етті.

Кликните, чтобы увеличить изображение 001.jpeg

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=216#sigProGalleria500db113f7

Comments

2 сәуір – дат жазушысы Ганс Христиан Андерсеннің туғанына – 220 жыл толуына орай «Ертегілер елшісі» әдеби кинозал

2 – сәуір Халықаралық балалар кітабы күніне орай оқырмандарға білімнің кілті кітап арқылы берілетінін ұғындыру, кітаптың адам өміріндегі маңызын атап көрсету және кітапхана имиджін көтеру мақсатында Ганс Христиан Андерсеннің туғанына 220 жыл толуына орай «Ертегілер елшісі» тақырыбында әдеби кинозал өткізілді.

Іс-шара барысында кішкентай бүлдіршіндерге Г.Х.Андерсеннің өмірбаяны мен шығармашылығы таныстырылды. “Мұз ханшайымы” ертегісі көрсетілді.

Comments

«Емханадағы рухани терапия» жылжымалы кітапхана

«Отбасылық жедел жәрдем» әлеуметтік жобасы аясында Жамбыл облыстық көпбейімді балалар ауруханасының 4-15 жас аралығындағы ем алушыларына арналған «Емханадағы рухани терапия» жылжымалы кітап көрмесі ұйымдастырылды.

Осыған орай, кітапхана оқырмандарын жас ерекшелігіне байланысты "Кішкентай ханзада", "Жетім қонжық", "Бала мен қарлығаш", "Балалар энциклопедиясы", "Абай", "Айдахар қыздар", "Әжемнің ертегілері", "Жылдам оқытқыш", "Өнегелі ертегілер" т.б. жаңа кітаптар ұсынылды.

Кликните, чтобы открыть изображение!

Посмотрите вложенную галерею изображения онлайн в:
https://www.jobjk.kz/kz/?start=216#sigProGalleria18540abc58

Comments

«Газет – сауаттылық пен эстетиканың жаршысы» баспаға саяхат

Шерхан Мұртаза атындағы баспасөз үйінің бұқаралық ақпарат құралдарының шығу жолдары, оқырмандардың өз ойын жүйелі айта білу дағдыларын жетілдіру, газет-журналдың адам өмірінде өзіндік алатын орны бар екенін түсіндіру мақсатында «Газет – сауаттылық пен эстетиканың жаршысы» тақырыбында баспаға саяхат ұйымдастырылды.

«AULIEATA-MEDIA» ЖШС-нің бас редакторы – Оралхан Дәуіт «Ақ жол» газетінің тарихына шолу жасап, баспа үйінің бөлімдері және олардың атқаратын қызметтерімен таныстырды. Әр басылымның өзіне тән бағыты мен түрі, форматы мен көлемі болатынын түсіндіре отырып, қызығушылық танытқан оқырмандардың сауалдарына жауап берді.

Аталған іс-шараға Тараз инновациялық көпсалалы колледжінің «Мектепке дейінгі тәрбие және оқыту» бөлімінің МДТ-9-24-1, «Орман шаруашылығы» бөлімінің 0-9-24 топтары мен жетекшісі қатысты.

Қоғам қаншалықты дамығанмен газет өміршеңдігін жоймайтынын уақыттың өзі дәлелдеп келе жатқанын жас оқырмандарға жеткізілді.