Өскелең ұрпақтың зияткерлік қабілетін, көрнекі ойлауын, психомоторикасын, есте сақтау қабілетін дамыту, кітап оқуға деген қызығушылығын арттыру, кітап қорындағы баланың ой-өрісін дамытатын түрлі ойыншықтарды қолдана отырып саналы, жан-жақты ұрпақ қалыптастыру мақсатында кітапхананың тұрақты оқырмандарымен «Интеллектум» жобасы аясында «Интеллект: интеллектуалды технологиялар әлемі» оқу және жазу дағдыларын дамытуға арналған ойындар ұйымдастырылды.

Балаларды макароннан түрлі бұйымдар жасау тәсілдерін үйрету, өз бетімен жұмыс жасауға, өзіндік шығармашылдыққа, ізденімпаздыққа, еңбек етуге, тәрбиелеу мақсатында «Құмыра жасау» тақырыбында түрлі макарондардан құмыралар жасады.

Жазғы демалыс кезінде балалар мен жасөспірімдердің бос уақытын тиімді ұйымдастыру, өскелең ұрпақ үшін балалар кітапханасының имиджін қалыптастыру мақсатында «Кітапмұхитындағы аралдар» жобасы аясында №13 бөбекжай бақшасының бүлдіршіндерінің қатысуымен «Ойлы болсаң – озып көр» тақырыбында миға шабуыл ойыны өтті.

Бүлдіршіндерді пазл құрастырып, кроссвордтар шешіп,баланың ақыл-ойын, логикалық ойлауын, зейінін, есте сақтау қабілетін, ұсақ жəне саусақ моторикасын дамытты. «Самал» тобының кішкентай оқырмандары"Танграммның" контурын қолданып, шашки, шахмат, домино ойнап, ойлау деңгейін дамытуға септігін тигізді.

Іс-шара соңында бүлдіршіндерге арналған түрлі ертегі кітаптары мен заманауи 3D, 4D және ашылмалы, сөйлейтін кітаптарға шолу жасалды.