Елбасы Нұрсұлтан Назарбаев «Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу» - деп айтқан болатын. Осы орайда оқырмандардың бойында ұлттық сананы оятып, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру мақсатында Керімбай атындағы №12 мектеп-гимназиясының оқырмандарымен «Біздің Елбасы» тақырыбында ақпараттық сағат өтті.

Елбасы Н.Ә.Назарбаев «Болашаққа бағдар: рухани жаңғыру» мақалалық бағдарламасында: «Патриотизм кіндік қаны тамған жеріңе, өскен ауылыңа, қалаң мен өңіріңе яғни туған жеріңе деген сүйіспеншіліктен басталады делінген. Аталған бағдарламаны жас ұрпаққа насихаттау, оны жүзеге асыру, жастарды патриоттық рухқа тәрбиелеп, өзіміздің өлкеден шыққан ақын-жазушылар мен олардың шығармаларын насихаттау мақсатында Д.А.Қонаев атындағы Жамбыл облыстық балалар мен жасөспірімдер кітапханасының ұйымдастыруымен  «Рухани қазына» кіші бағдарламасы аясындағы "100 кітап" жобасы бойынша "Көркемсөз жұлдыздары" атты кездесу кеші өткізілді.

Оқырмандардың санасына латын әліпбиі жайында дұрыс көзқарас қалыптастырып, еліміздің әсіресе жастардың болашағы үшін жасалып жатқан істерге баға беріп, оның мазмұнын терең түсінуге жетелеу мақсатында «Латын әліпбиіне оқырмандық көзқарас» тақырыбында кездесу кеші өткізілді.