балалар мен жасөспірімдер кітапханасы

Жамбыл облысы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кеңейтілген отырысының №10 хаттаманың 7.1 тармағына сәйкес кітапхана ұжымының қатысуымен «Жасөспірімдерді рухани адамгершілікке тәрбиелеудегі жанұяның орны» тақырыбында кездесу ұйымдастырылды.

Іс-шараның мақсаты: ата-ана мен бала арасындағы қарым-қатынасты қалыптастыру, бала отбасының негізгі ұйытқысы екендігін түсіндіру, отбасы тәрбиесінің мән-маңызын ашып көрсете отырып, ұлттық салт-дәстүрді түсініп, құрметтеуге баулу.

Кездесуге арнайы шақырылған Тараз қаласы білім бөлімінің бас маманы - Үкібасов Қайрат Исаұлы мен Жамбыл облысы әкімдігінің дін проблемаларын зерттеу орталығының инспекторы - Атамқұлов Батырбек Керімбайұлы кәмелетке толмағандар арасындағы қылмыс, құқық бұзушылық, өзіне-өзі қол жұмсауға ұмтылу, қол жұмсау мәселелерінің алдын алу туралы мысалдар келтіріп, полиция бөлімдерінде есепке алынған «қиын» топтағы жасөспірімдермен, «жайсыз» отбасылармен жеке профилактикалық жұмыстар жайлы, сондай-ақ, жазғы сауықтыру лагерьлерінің жұмысы жайлы ақпаратты жеткізді.

Кітапхана ұжымына отбасылық құндылықтарды дәріптейтін бірнеше бейнебаян көрсетіліп, «Отбасы – ұлт құндылығы» кітап көрмесіне шолу жасалды.

Сыбайлас жемқорлыққа қарсы күрес туралы заңды негізге ала отырып, құқықтық мағлұмат беру мақсатында «Сыбайлас жемқорлық – қауіпті әлеуметтік құбылыс» атты пікір алмасу өткізілді.

Іс-шара барысында тақырыпқа сай мәліметтер беріліп, қызметкерлерге Сыбайлас жемқорлыққа қарсы іс-қимыл Агенттігінің Жамбыл облысы бойынша Департаментінің Превенция басқармасы басшысының орынбасары – Бақтыхожаев Ербол Жұмақадырұлы нақты дәйектер келтіре отырып баяндама оқыды.

Сонымен қатар, сыбайлас жемқорлықтың пайда болуымен күресудің бірнеше әдістері көрсетіліп, қылмыстық, тәртіптік, әкімшілік жауапкершілікті реттейтін арнайы нормативтік-құқықтық актілері де таныстырылып, әріптестермен жағдаяттарды талдау жүргізілді.

Тақырыпқа сай бейнебаян көрсетіліп, кітап көрмесі таныстырылып, сұрақ-жауаптар алмасып қорытындыланды.

6 шілде Астана қаласы күніне орай №13 балабақшаның тәрбиеленушілерінің қатысуымен «Астана — бақыт бастауы» тақырыбында көрме-саяхаты өткізілді. Жас оқырмандарға Астана туралы мағлұмат беріп, елордамыз Астананың көрікті орындарымен таныстыру мақсатында бүлдіршіндерімізді Отансүйгіштікке, тәрбиелей отырып іс-шараны «Астана», әнін шырқаумен басталды.

Бүлдіршіндер Астана қаласы туралы не білетіндері жайлы ойларын айта отырып, кітапханаға келген жас оқырмандар ертегілер әлеміне еніп, кітапхана қорындағы жаңадан түскен «3D кітап», «Сиқырлы кітап», «Ашылмалы кітапша», «Балаларға базарлық» серияларымен шыққан кітаптарды тамашалап, өте риза болды. Кітапханашы «Елдің мәртебесі Астана» атты арнайы жасалған слайд көрсетілді.

Оқырмандар Нұр-сұлтан қаласына арнап жаттаған тақпақтарын жатқа айтып, №13 балабақшасының музыка жетекшісі Әділ Алихан «Адай» күйін орындап берді. Балапандар өз өнерлерін ортаға салып «Жаз» туралы әндерін шырқады. Іс-шара соңында бүлдіршіндерге тәттілер таратылып кеш өте қызықты өтіп «Бәйтерек» әнімен аяқталды.